Ana səhifə Kult Ədəbiyyat |
Əgər bütün rus ədəbiyyatı təsadüf ucbatından yохa çıхsaydı və təkcə Çeхоvun hekayələri qalsaydı, bunlar əsl rus həyatı barədə bütün dünya хalqlarında aydın təsəvvür yaratmaq üçün kifayət edərdi.
Axar.az xatırladır ki, bu sözləri dünya ədəbiyyatının görkəmli nümayəndəsi Lev Tоlstоy Anton Çeхоvun yaradıcılığı haqqında deyib.
Antоn Çeхоv 29 yanvar 1860-cı ildə anadan olub. Çeхоv dramaturq kimi klassik rus ədəbiyyatının ən yaхşı nümunələrini yaradıb. İхtisasca həkim оlsa da, yazıçı kimi daha böyük şöhrət qazanıb. Çexov Moskvada məktəbdə oxuduğu illərdə (1876-1879) "Qılaflı adam", "Ədəbiyyat müəllimi" adlı hekayələrini yazıb. Universitetdə oxuduğu illərdə lətifələr, hekayələr, dramatik yazılar yazıb və onları "Molbornun nağılları" adı altında toplayaraq məzun olduğu zaman kitab kimi dərc etdirib. Həkim kimi fəaliyyət göstərdiyi dönəmlərdə isə "Qaçaq", "Cərrahlıq", "Cansız cəsəd" hekayələrini qələmə alıb.
Böyük rus şairi 1904-cü ilin 15 iyulunda vəfat edib. Lakin ölümündən sonra Çexov möhtəşəm əsərləri ilə yanaşı nəsihət xarakterli, həyatından süzülən aforizimlərini də qoyub gedib. Onlardan bir qismini təqdim edirik:
- Həyatdan ilk küskünlüyümüz yanımızda sandığımız insanları qarşımızda gördüyümüz zaman başlayar.
- Sənə bir yaxşı, bir də pis xəbərim var: Yaxşı xəbər: hələ ki, ölməmişik. Pis xəbər: hələ də yaşayırıq.
- İki mükəmməl insan heç vaxt bir yerdə ola bilməz. Çünki mükəmməl qadın heç vaxt ilk dəfədə "hə" deməz. Mükəmməl kişi isə heç vaxt ikinci şansı verməz.
- Unutma, insanları tanımağın üçün ən uyğun vaxt ayrılığa yaxınlaşan vaxtdır. Çünki o vaxt saxta üzlər ortaya çıxar.
- Bəsit qadın gözəl görünməyi dərrakəli olmaqdan üstün tutar. Çünki bəsit kişidə dərrakəni anlayacaq beyin yox, gözəlliyi görəcək göz vardır.
- İnsana həyatda bir kəpənək bir dəfə qonar: qaçırtsan, başqa şansın qalmaz. Çünki o kəpənək ertəsi gün ölür.
- Saxta bir gülüşlə gözlərimə baxmaqdansa, üzümə yönələn həqiqi bir nifrəti üstün tutaram.
- Həyatınızın sonuna qədər yaşamayınca taleyinizdən şikayət etməyin.
- Özünü tənha hiss edən biri üçün hər yer çöllükdür.
- Ölüm qorxunc bir şeydir, amma insan ölməyi bacara bilməyib sonsuza qədər yaşasaydı, bu, daha qorxunc olardı.
- Əgər qüsursuz olsaydın, başqalarının qüsurlarını tapıb göstərməyə bu qədər meyilli olmazdın.
- Siz mənə axmaq xəyalların arxasınca qaçmayan bir qəlb göstərin, mən də sizə xoşbəxt bir insan göstərim.
- Yalan qədər insanı alçaldan ikinci bir şey yoxdur.
- Aşılması mümkün olmayan heç bir sədd mövcud deyil.
- Üç cür insan var: 1. Çörək kimidir, hər zaman axtararsan, bəzən taparsan. 2. Dərman kimidir. Ehtiyacın olduğu zaman axtararsan, çox vaxt taparsan. 3. Mikrob kimidir, sən onu axtarmasan da, o, hər zaman tapar.
Tarix
2016.10.22 / 00:50
|
Müəllif
Aytac Qədirova
|