Oktyabrın 28-i, saat 18:00-da Beynəlxalq Muğam Mərkəzində görkəmli şairimiz Məhəmmədhüseyn Şəhriyarın 110 illiyinə həsr olunmuş yubiley mərasimi keçiriləcək.

Bu barədə Axar.az-a Azərbaycan Yazıçılar Birliyinin Güney Azərbaycan şöbəsinin sədri Sayman Aruz məlumat verib. O bildirib ki, yubiley mərasimi Azərbaycan Yazıçılar Birliyi ilə Mədəniyyət və Turizm Nazirliyinin təşkilatçılığı çərçivəsində baş tutacaq.

Mərasimdə iştirak etmək istəyən hər kəs dəvətnaməni Azərbaycan Yazıçılar Birliyindən əldə edə bilər.

Qeyd edək ki, bir neçə gün əvvəl Sumqayıt şəhərində də Şəhriyarın 110 illik yubileyinə həsr olunmuş mərasim keçirilib.