Azərbaycanın əməkdar hüquqşünası, hüquq elmləri doktoru, professor İlham Rəhimovun "Cinayət və cəzanın fəlsəfəsi" adlı kitabı Çin hüquqşunaslarının təşəbbusu ilə Pekin şəhərində də çap olunub.

Axar.az xəbər verir ki, nəfis üslubda nəşr olunmuş kitabda cinayət hüququnun təməl problemlərindən bəhs olunur. Müəllif cinayətin mənbəyinə və səbəblərinə, eləcə də cəzanın məzmununa fəlsəfi mövqedən yanaşıb. Kitab hüquq fakültələrinin müəllimləri, aspirantlar və tələbələr, eləcə də cinayət hüququ sahəsində ixtisaslaşmış hüquq-mühafizə orqanları işçiləri, nəzəriyyəçilər üçün nəzərdə tutulub.

Nəşrdən sosioloqlar, psixoloqlar və cinayətkarlıqla mübarizənin aparılmasına maraq göstərən hər kəs yararlana bilər.

Xatırladaq ki, professor İlham Rəhimovun "Cinayət və cəzanın fəlsəfəsi" adlı kitabı türk, ingilis, italyan, yəhudi və bolqar dillərində də çap olunub.