“Ulduz” jurnalının baş redaktoru, tanınmış şair Qulu Ağsəs 20 yanvar günü Qarabağ savaşına həsr etdiyi şeiri paylaşıb.

Kult.az şairin “Qarabağ müharibəsində itkin düşən dostum XALIQƏ” başlığı ilə yayımladığı şeiri təqdim edir:

Allaha baxmasaydım,
girməzdin yuxuma da!
Torpaq kimi soyuyur -
ən isti, yaxın adam...

Harda itib - batmısan,
hayına çağır gəlim.
Toyuna çağırmadın,
vayına çağır gəlim...

De, necə tapım səni,
nə mərdəm, nə ov iti.
Sənin izin, ünvanın
mənim axırım itib.
Bəlkə veriblər səni
Tanrının yaddaşına?

Mən sənə söz tapşırım,
sən də öz adaşına:
Nə olar, ayırmasın
de, ikimizdən məni!
Getdin?.. sənə yaxşı yol,
gəlməsən, gözlə məni...