Millət vəkili Q.Paşayevanın rəhbərlik etdiyi Avrasiya Beynəlxalq Araşdırmalar İnstitutu İB İstanbul Türk Ocaqları, İstanbul Universiteti və Sağlamlığın Qorunması İB ilə birlikdə Azərbaycanın və türk dünyasının böyük şairi Məhəmmədhüseyn Şəhriyarın 110 illiyi ilə bağlı İstanbulda konfrans və ədəbi-bədii tədbir keçirəcək.

Axar.az xəbər verir ki, Türkiyənin Kültür və Turizm Nazirliyinin də dəstəklədiyi və İstanbul Universitetində keçiriləcək konfransda ustad Şəhriyarınn Azərbaycan və türk ədəbiyyatındakı böyük rolu ilə bağlı məruzələr dinləniləcək. Tədbirin sonunda keçiriləcək ədəbi-bədii hissədə isə Şəhriyar yaradıcılığından seçmələr səsləndiriləcək, əsərlərinə bəstələnmiş mahnılar ifa olunacaq.

Təbirdə Azərbaycandan və qardaş Türkiyədən başqa türk dünyasının müxtəlif bölgələrindən alimlər, şairlər, yazarlar iştirak edəcəklər.

Arzu edənlər tədbirdə iştirak edə bilərlər.