Misir Mədəniyyət Mərkəzində “Nəcib Məhfuz oxucuların gözü ilə...” esse müsabiqəsinin qaliblərinin mükafatlandırılması mərasimi keçirilib.

Kult.az xəbər verir ki, mərasimi giriş sözü ilə açan Misir Mədəniyyət və Təhsil Əlaqələri mərkəzinin müdiri Əhməd Sami Elaydi müsabiqənin önəmindən danışıb.

Sonra Nəcib Məhfuz yaradıcılığından bəhs edən videoçarx nümayiş etdirilib.

Münsiflər – yazıçı Vaqif Sultanlı, tənqidçi Cavanşir Yusifli və Nəriman Əbdürrəhmanlı müsabiqənin keçirilməsinin əhəmiyyətindən və Nəcib Məhfuz yaradıcılığından söz açıblar.

Daha sonra qaliblərin adları açıqlanıb. Münsiflərin seçiminə görə, 1-ci yerə Aynur Zərrintac, 2-ci yerə gənc yazar Nigar An layiq görülüb. Şair Fərid Hüseyn isə 3-cü yerin sahibi olub.

Qaliblər diplom və pul ilə mükafatlandırılıblar.