Yunus Əmrə İnstitutu tərəfindən elan olunmuş “Tanpınarı kəşf edirəm” adlı esse müsabiqəsinin qalibləri Nəriman Əbdülrəhmanlı, Zərəngiz Dəmirçiqayalı, Yeganə Neymətulla, Təranə Vahid, Lamiyə Qurbanlı Türkiyənin İstanbul, Yalova, Əskişəhər, Konya və Bursa şəhərlərinə beş günlük səfər edib.

Kult.az xəbər verir ki, səfərdə Yunus Əmrə İnstitutunun müdiri İbrahim Yıldırım və layihənin koordinatoru Şəhla Aslan da yer alıb.

Səfər müddətində qonaqların Əskişəhər valisi Əzmi Çəlik, Bursa şəhər Osmanqazi Bələdiyyəsinin sədri Mustafa Dündar, Osmanqazi Bələdiyyəsinin Kültür və Sosial İşlər müdiri Kənan Kır və onun müavini Məhməd Uzun, Türk Dünyası Vəqfinin rəhbəri Adnan Təkşənlə rəsmi görüşləri baş tutub.

Qaliblərlə görüşən Əskişəhər valisi Əzmi Çəlik onlara müxtəlif hədiyyələr təqdim edib. Bursa şəhərinə səfər zaman isə Osmanqazi Bələdiyyəsi tərəfindən qonaqların şərəfinə ziyafət təşkil edilib.