Ana səhifə Kult Ədəbiyyat |
Həbib Sasanian (Yakamoz) müasir Azərbaycan şairi, yazıçı, jurnalist, insan haqları müdafiəçisidir. O, 1975-ci ildə Muğanın Xoruzlu bölgəsində Güllübulaq kəndində anadan olub. İxtisasca elektrik və rabitə mühəndisidir.
Ərdəbil Universitetində təhsil alıb. Bakı Dövlət Universitetinin filologiya fakültəsini bitirib. İndiyə qədər yüzlərlə şeirin müəllifidir. O, Azərbaycan-Ermənistan müharibəsində ermənilərin işğalçı siyasətini pislədiyi üçün hazırda Təbriz məhkəməsinin qərarı ilə Təbriz zindanında saxlanılır.
Kult.az Həbib Sasanianın “Gәl mәni gör” adlı şeirini təqdim edir:
İstisәn yanmış ürәk axtarasan, gәl mәni gör
Qәm əlindәn yanasan, odlanasan, gәl mәni gör.
Vәtәnin dәrdlәrini tökmüş olan öz içinә,
Cavanikәn qocalanlar sanasan, gәl mәni gör.
Bu sınıq könlümü hәr an talayır qanlı fәlәk,
Qanlı göz yaşlarıma kipriyim olmuşdu əlәk,
Nanәcib dünya atır gündә mәnә bir mәtәlәk,
Yurdu hәr gün talanan axtarısan, gәl mәni gör.
Әqlimә baxmadı bu qan dolu divanә ürәk,
Döndәrib pis üzünü bәxtimә bu qanlı fәlәk,
Hәr yetәn dost adına qurdu mәnә tazә kәlәk,
Sәn dә bir tazә yara vurmalısan, gәl mәni gör.
Hamı divanә olarkәn, mәni divanә sanır,
Yox sәdaqәt, bu cәmaәt niyә Allahı danır?
Yakamoz yurduna vurğundu, bunu kimsә qanır?
Gözlәri yaşlı qalan axtarısan, gәl mәni gör.
Tarix
2017.06.15 / 20:28
|
Müəllif
Aytac Qədirova
|