Axar.az
Yuxarı

Qaçın, Dəli Araz gəldi...

Ana səhifə Kult Ədəbiyyat
12 Punto 14 Punto 16 Punto 18 Punto

Kult.az güneyli yazar Fərrux Cəraidinin (Yorğun)Telefon köşkü” hekayəsini təqdim edir:

Günorta çağı Günəş göy üzündə şaxmaqdaydı. Sağ əlində sanki bir şey gizlətmiş, əvvəlcə əlini yumruq tutub qırmızı köynəyinin qolunu baş barmağı ilə ovucuna çəkmiş, iri addımlarla sağ-sola baxa-baxa küçə ilə aşağı gedirdi.

Ətrafda olanlar onu gördükdə gülümsəyib, “hə, Araz, yenə gedirsən zəng vurasan?” - deyib keçirdilər. Araz gülərək başını aşağa salıb tələsik keçirdi.

Sarı boyalı telefon köşkü Günəşin saçaqları altında parlayırdı.

Araz köşkə çatdıqda köşkün qırağından baxıb, bir az o yan-bu yana boylandıqdan sonra yavaşca telefonun önündə dayandı.

Sağ əlini açdıqda tərləmiş bir-iki qəpik gördü.

Dəstəyi götürüb iki qəpiyi telefonun üstünə qoydu. Sağ əli ilə tez-tez bir neçə nömrənin üstünə basıb dayandı.

Bir az sonra iki dəfə dəstəyə püfləyib, azca dözüb, yavaşca danışmağa başladı:

- Alo, alo!

- ...

- Salam, özünsən?

- ...

- Yanasan qız, qorxdum ey!

- ...

- Aaaa, hələ deyir, niyə “gicbəsər” dedin, gələcək qayınanamdı.

- ...

- Görüm hələ, necəsən? Yaman darıxıram ha mən.

- ...

- Bilirəm da, olsun-olsun, özüm səni qaçırdacağam.

- ...

- Kim deyir olmaz?

- ...

- Mən qaçırdaram da, həm sən bir az da döz.

- ...

- Səhər, əh bağışla, Səhərim, səni çox sevirəm, bilirəm, bilirsən haaa, amma dedim, lap arxayın olasan.

- ...

- Yaxşı get, tutmayım, sevindim səsini eşitdiyimə.

Dəstəyi yerinə qoyub sağ əli ilə iki qəpiyi telefonun üstündən götürüb, evlərinə sarı yola düşdü.

Məhlədə oyun oynayan uşaqlar Arazı gördükdə, “Qaçın, dəli Araz gəldi”, - deyə dağılışdılar...

Tarix
2017.07.05 / 01:11
Müəllif
Aytac Qədirova
Şərhlər
Digər xəbərlər

Bir qrup gənc şair bu şəhərimizdə toplandı

“Türk ruhunun söz bayrağı” Ankarada…

Bakıda qazax şairin xatirəsi yad edildi - Foto

Tanınmış şairin yeni kitabı çapdan çıxdı

Dikin məşhurlaşdırdığı “Təbriz nağılı”nda nə var?

“Din və Cəza” Qazaxıstanda işıq üzü gördü

“İrəvandan Zəngəzuradək...” təqdim edildi

"Laokoon… Laokoon" Almaniyada dərc edildi

Ramil Əhmədin kitabı çap olundu

Nobel mükafatı alan ilk türk yazıçı – Orxan Pamuk

KULT
<>
Xəbər xətti
Axar.az'da reklam Bağla
Reklam
Bize yazin Bağla