Şimali Qafqaz respublikalarında çox az kitab oxunur.

Kult.az xəbər verir ki, bunu Sankt-Peterburq Beynəlxalq Mədəniyyət Forumunda çıxışı zamanı Rusiya Kitab İttifaqının rəhbəri Sergey Stepaşin söyləyib.

“Moskva və Peterburqda bu göstərici 70% təşkil edir, amma Şimali Qafqazda orta səviyyədən də aşağıdır. Əhalinin cəmi 17%-i burada kitab oxuyur. Əgər Şimali Qafqazda bizim ümumi Rusiya və sovet mədəniyyətimiz, rus dilimiz, kitabımız olmasa, o zaman onlar öz vəhhabi ədəbiyyatını oxuyacaqlar. Bu məsələ təkcə ümummədəniyyət məkanının itirilməsi yox, həm də təhlükəsizlik problemidir”, – deyə o bildirib.