Hüquq üzrə fəlsəfə doktoru, Bakı Avrasiya Universitetinin dosenti Əlövsət Allahverdiyevin “Beynəlxalq hüquqda insanlıq əleyhinə cinayətlər” kitabı nəşr olunub.

Kult.az xəbər verir ki, kitabda Azərbaycan hüquq ədəbiyyatında ilk dəfə olaraq insanlıq əleyhinə cinayətlərin mahiyyəti, xüsusiyyətləri, tərkib elementləri və növləri ətraflı şərh edilib.

Müəllifin fikrincə, bu günə qədər Azərbaycan hüquq ədəbiyyatında insanlıq əleyhinə cinayətlər tam tədqiq olunmayıb, sadəcə müəyyən elmi əsərlərdə onun növləri ilə bağlı məsələlərə toxunulub. Əlövsət Allahverdiyev Azərbaycan Respublikasının işğal olunmuş ərazilərində Ermənistan silahlı qüvvələri tərəfindən törədilmiş beynəlxalq cinayətləri araşdırıb və növlərinə görə təsnif edib, cinayətkarların cəzalandırılması ilə bağlı təkliflər verib.

Bundan başqa, kitabda Beynəlxalq Cinayət Məhkəməsinin Roma Statutu tam şəkildə verilib və əsərin tələbə-müəllimlərin, praktiki fəaliyyət göstərən hüquqşünasların istifadəsi üçün nəzərdə tutulduğu qeyd olunub.