Türkiyənin Bartın Universitetinin filologiya fakültəsində magistr təhsili alan tələbə Əbru Ağüz “Müasir Azərbaycan nəsrinin tanınmış nümayəndəsi Əlabbas Bağırovun “Göz muncuğu”, “Gecəyarısı hadisə”, “Doğma ocaq”, “Gəlin ayaqqabısı” və “Köhnə kişi” hekayələrinin tematik yöndən incələnməsi” adlı magistr dissertasiyasını (yüksək lisans tezi) müdafiə edib.

Kult.az xəbər verir ki, 90 səhifəlik dissertasiyanın “Əlavələr” bölümündə iddiaçının sözügedən əsərlərlə bağlı Əlabbasla müsahibəsi, yazıçının tərcümeyi-halı və ömrünün müxtəlif anlarını əks etdirən fotoşəkillər də yer alıb.

Qeyd edək ki, Türkiyədə nəşr olunan “Təmrin” dərgisinin yazıçı Əlabbasa həsr olunan xüsusi nömrəsi yaxın vaxtlarda işıq üzü görəcək.