Şair, yazıçı Vüsal Oğuz Azərbaycan Yazıçılar Birliyinin Oğuz bölməsinin sədri təyin olunub.

Bu barədə Kult.az-a şair özü məlumat verib. O, yeni vəzifəsindən və sədr kimi görəcəyi işlərdən daşınıb:

“Əmr imzalanandan bir-iki gün sonra mənə xəbər verildi, lakin məlumatı indi açıqladım. Fəaliyyətimə ilkin olaraq 3 rayondakı (Oğuz, Qəbələ və İsmayıllı) şair və yazarlarla, qələm sahiblərilə əlaqə yaratmaqla başlayacağam. Onlarla görüşlər təşkil edərək, istedadlı qələm sahiblərini Bakı və respublika mühitində tanıtmağa, gələcəkdə daha istedadlılarının AYB-yə üzv qəbul edilməsinə nail olmağa çalışacağam. Həmçinin ilin ilk rübündə bölgə yazarlarının ilk almanaxını tərtib edəcəyəm. Rayon yazarlarının müxtəlif tanınmış şair və yazarlar ilə görüşlərini təşkil etmək, həmçinin gənc yazarlara dəstək üçün onların bölgə oxucuları ilə görüşlərini, təqdimat və imza günlərini keçirmək də planlarıma daxildir”.

Qeyd edək ki, AYB-nin Oğuz bölməsi yeni yaradılıb. Sözügedən 3 rayon daha əvvəl Şəki bölməsinə daxil idi.