Martın 9-u saat 17:00-dan 20:00-dək İstiqlaliyyət küçəsində yerləşən LİBRAFF kitab mağazasında yazıçı Varisin (Varis Yolçuyev) “Uzaqdan gələn yağış” adlı yeni romanının imza günü keçiriləcək.

Kult.az xəbər verir ki, “Uzaqdan gələn yağış” romanı müxtəlif dövrlərdə yaşamış gənclərin nakam məhəbbətindən bəhs edir.

İmkanlı bir ailənin övladı olan 11-ci sinif şagirdi Ayla təsadüfən metroda unudulmuş bir şeir dəftəri tapır. Şeirlər o qədər xoşuna gəlir ki, gedib onların müəllifi ilə – kənddən Bakıya güzəran qurmağa gəlmiş İsmayıl adlı şairlə tanış olur. Amma bu adi tanışlıq çılğın bir sevgi macərasına çevrilir, sonradan onların üzləşdiyi müsibət isə hər kəsi sarsıdır.

Qeyd edək ki, bu ilin yanvar ayından satışda olan və kifayət qədər maraq doğuran “Uzaqdan gələn yağış” kitabını “LIBRAFF” mağazası imza günündə 20 faizlik endirimlə satışa çıxaracaq.