Prezident İlham Əliyev bu gün Tahir İdris oğlu Əmiraslanov və Mövlud Süleyman oğlu Balakişiyevin “Şöhrət” ordeni ilə təltif edilməsi haqqında sərəncam imzalayıb.

Kult.az xəbər verir ki, Tahir Əmiraslanov 1958-ci il martın 14-də Tovuz rayonunun Qovlar qəsəbəsində anadan olub. Leninqrad Sovet Ticarəti İnstitutunu bitirib.

1984-1989-cu illərdə Gəncə İctimai iaşə trestində mühəndis-texnoloq, yeməkxana müdiri işləyib.

1990-cı ildə SSRİ Kulinariya Assosiasiyasının yaradıcılarından biri kimi həmin təşkilatın idarə heyətinin üzvü seçilib.

1991-ci ildə Azərbaycan Respublikası Nazirlər Kabinetinin qərarı ilə yaradılan Azərbaycan Milli Kulinariya Mərkəzinə rəhbər təyin edilib. 1992-ci ildə Tahir Əmiraslanovun əməyi nəticəsində Azərbaycan sabiq SSRİ məkanından və türk dünyasından Ümumdünya Kulinariya Təşkilatları Birliyinə qəbul edilən ilk və yeganə ölkə olub.

1998-ci ildən YUNESKO-nun Beynəlxalq Xalq Yaradıcılığı Təşkilatının üzvü, 2004-cü ildən Ənənəvi Qida Komitəsinin sədr sədridir. Bir neçə ölkənin kulinariya assosiasiyalarının fəxri üzvü olan T.Əmiraslanov tarix elmləri namizədidir.

2016-cı ildən əməkdar mədəniyyət işçisidir. Kulinariyaya aid bir neçə kitabın müəllifidir.

Xalq yazıçısı Mövlud Süleymanlı isə 1943-cü il mаrt аyının 18-də Ermənistan SSR-nin Kаlininо rаyоnunun Qızıl Şəfəq kəndində (Cücəkənd) dоğulub.

BDU-nun Filologiya fakültəsini bitirib. 1968-ci ildə Аzərbаycаn Dövlət Radiosunа işə qəbul edilmiş, əvvəlcə "Gənclik", sоnrа "Ədəbiyyаt və İncəsənət" bаş redаksiyаsındа redаktоr kimi çаlışıb.

“Ulduz" və "Аzərbаycаn" jurnаllarında nəsr şöbəsinə rəhbərlik edib. 1991-1991-ci illərdə "Оğuz eli" qəzetinin baş redaktoru olub.

1992-ci ildən 2009-cu ilə qədər Аzərbаycаn Dövlət Telerаdiо Şirkətinin Rаdiо üzrə sədr müаvini vəzifəsini daşıyıb.

"Şeytаn", "Dəyirmаn", “Köç”, “Səs” və s. əsərlərinin, məşhur “Bəyin oğurlanması” filminin ssenari müəllifidir.