Bakı Dövlət Universitetində 2015-ci ildə avtomobil qəzasında dünyasını dəyişən tələbə Kamran Babazadənin xatirəsinə həsr olunmuş tədbir keçirilib.

Kult.az xəbər verir ki, tədbirdə millət vəkili Adil Əliyev, Coğrafiya faklütəsinin dekan müavini, dosent Ramiz Əhlimanov, İqtisadi və Sosial coğrafiya kafedrasının müdiri, professor Tapdıq Həsənov, Geodeziya və kartoqrafiya kafedrasının müdiri, professor Məqsəd Qocamanov, kafedranın baş müəllimi Mübariz Orucov, jurnalist-publisist Telli Pənahqızı, ailə dostu Kamran Nəsibov çıxış edərək, Kamran Babazadənin savadlı və sosial aktivliyi ilə seçilən tələbələrdən olduğunu bildiriblər.

Anım mərasimində Kamranın həyatından bəhs edən “19-cu Bahar” adlı kitabın və klipin təqdimatı olub.

Qeyd edək ki, Kamran Babazadə 1997-ci ildə Bakı şəhərində anadan olub. 2003-2014-cü illərdə 49 saylı intellekt liseyində təhsil alıb, 2014-cü ildə Bakı Dövlət Universitetinin Coğrafiya fakültəsinə qəbul olub. Bir il sonra avtomobil qəzasında dünyasını dəyişib.