Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
26 Mart 2019


Azərbaycan-Türkiyə arasında sənədlər üzə çıxdı - İlk dəfə

Ana səhifə Kult Ədəbiyyat
12 Punto 14 Punto 16 Punto 18 Punto

“TEAS PRESS” Nəşriyyat Evi Azərbaycan Xalq Cümhuriyyətinin 100 illiyi münasibətilə İstanbulda iki sənədlər toplusu nəşr etdirib.

Kult.az xəbər verir ki, “Azərbaycan Cümhuriyyəti (1918-1920). Osmanlı arxiv sənədləri” adlanan sənədlər toplusunda Azərbaycan Cümhuriyyəti tarixi ilə bağlı mindən çox nadir sənəd yer alıb. Türkiyə Cümhuriyyəti Nazirlər Kabinetinin Osmanlı Arxivində mühafizə olunan bu sənədlər transkripsiya edilərək 219 adda qruplaşdırılıb və xülasələr yazılıb. Burada toplanan sənədlər Osmanlı dövləti ilə Azərbaycan Cümhuriyyəti arasındakı münasibətləri və dövrün bir sıra aktual problemlərini hərtərəfli nəzərdən keçirməyə imkan verir.

“Birinci Dünya müharibəsi və Azərbaycan (Osmanlı arxiv sənədləri)” adlı digər sənədlər toplusu isə Azərbaycanın I Dünya müharibəsi dövründəki vəziyyətini əks etdirir.

Hər iki topluda verilmiş sənədlərin böyük əksəriyyəti ilk dəfədir elmi dövriyyəyə gətirilir. Sözügedən sənədlər Azərbaycan tarixşünaslığında indiyədək məlum olmayan bir sıra problemləri araşdırmağa kömək edir. Tarix üzrə fəlsəfə doktorları Vasif Qafarov və Qiyas Şükürov nəşrə hazırladığı sənədlər toplusuna tarix üzrə elmlər doktoru, professor Kərim Şükürov geniş ön söz yazıb.

Bundan başqa, tanınmış amerikalı tədqiqatçı-jurnalist, Montana Universitetinin professoru Tomas Qoltzun müəllifi olduğu “Azərbaycan gündəliyi: Müharibənin yaraladığı neft zəngini keçmiş sovet cümhuriyyətində bir jurnalistin macəraları” adlı kitab da “TEAS PRESS” Nəşriyyat Evinin yeni nəşrlər siyahısına əlavə edilib. Türk dilinə tərcümə edilən kitabda Xocalı qətliamından, Dağlıq Qarabağ münaqişəsindən bəhs olunur.

Qeyd edək ki, T.Qoltz ötən əsrin 90-cı illərində Azərbaycana səfər edən ilk xarici jurnalistlərdən biridir.

Tarix
2018.04.16 / 18:02
Müəllif
Büllurə Yunus
Şərhlər
loading...
Digər xəbərlər

Satanist Daryanın fövqəlgücü: nələr bilirdi?

Ramiz Rövşənin yeni kitabı çıxdı

Əlikram anasını necə ağlar qoydu…

FHN Akademiyasında “Nəsimi 650” müsabiqəsi

“Türkologiyamızın Afad Qurbanovu”: geniş təqdimat...

Anar ADU-da tələbələrlə görüşdü - Foto

Ulduz Qasımın “Xocalı şikəstəsi” təqdim edildi

Bu gün vəfat edən gənc yazar: Ölürəm, dost, sonumdur...

Soyuq öpüş kimi itdi gəncliyim…

Mir Cəlalın oğlu Arifə hədiyyəsi – İlk dəfə yayılır

KULT
<>
Xəbər xətti
 
Axar.az'da reklam Bağla
Reklam
Bize yazin Bağla