Yazıçı Xanəmir Telmanoğlunun “Naməlum ailə” psixoloji romanı, şair Sevinc Elsevərin “Çörək rəngli əllər” kitabı və Vüsal Oğuzun “Sonuncu sovqat” hekayələr toplusu mayın 26-da oxuculara təqdim ediləcək.

Kult.az xəbər verir ki, XAN nəşrlərinin “Çağdaş ədəbiyyat” seriyasında çap olunan kitabların təqdimat mərasimi “Kitabevim.az” mağazalar şəbəkəsinin 28 may filialında keçiriləcək.

Saat 14:00-15:00-dək Vüsal Oğuzun, 15:00-16:00-dək isə Xanəmir Telmanoğlu ilə Sevinc Elsevərin kitablarının təqdimat mərasimi baş tutacaq.

Qeyd edək ki, “Çörək rəngli əllər” kitabı S.Elsevərin 35 yaşı münasibətilə çap olunub.