Bu gün Azərbaycan Respublikası Prezidenti İlham Əliyev Azərbaycan Respublikasının mədəniyyət xadimlərinə fəxri adların verilməsi haqqında sərəncam imzalayıb.

Kult.az xəbər verir ki, fəxri ad alanların arasında tanınmış yazıçı Qəşəm Nəcəfzadə də var.

Prezidentin sərəncamına əsasən, Q.Nəcəfzadə “Əməkdar mədəniyyət işçisi” adına layiq görülüb.

Qeyd edək ki, Qəşəm Nəcəfzadə 1959-cu il aprel ayının 1-də İmişli rayonunun Əliqulular kəndində anadan olub. 1976-cı ildə İmişli rayon Əliqulular kənd orta məktəbini, 1981-ci ildə Kirovabad Dövlət Pedaqoji İnstitutunun Ədəbiyyat fakültəsini bitirib.

Uzun illər orta məktəb və universitetlərdə ali kateqoriyalı ədəbiyyat müəllimi işləyib. Hazırda Təfəkkür Universitetində baş müəllimdir.

Azərbaycan Yazıçılar Birliyinin "Azərbaycan" jurnalında poeziya söbəsinin müdiri, uşaq ədəbiyyatı seksiyasının rəhbəri, Azərbaycan Respublikası Milli Radio və Televiziya Şurasının ekspert şurasının və Azərbaycan Yazıçılar Birliyinin üzvüdür.