Bu gün görkəmli dramaturq, Xalq yazıçısı Elçinin Misir Ərəb Respublikasında ərəb dilində nəşr olunmuş “Baş” romanının təqdimat mərasimi keçirilib.

Kult.az xəbər verir ki, Milli Kitabxananın böyük akt zalında baş tutan tədbirdə Mədəniyyət naziri Əbülfəs Qarayev, Azərbaycanın Rusiyadakı səfiri, xalq artisti Polad Bülbüloğlu, Türkiyənin Azərbaycandakı səfiri Ərkan Özoral, Misir Ərəb Respublikasının Azərbaycandakı səfiri Adel İbrahim Əhməd İbrahim, Fələstinin Azərbaycandakı səfiri Nasir Əbdül Kərim A.Rahim, millət vəkili Siyavuş Novruzov, akademik Nizami Cəfərov, professor, Bakı Xoreoqrafiya Akademiyasının rektoru Timuçin Əfəndiyev, Akademik Milli Dram Teatrının direktoru Azərpaşa Nemətov, İrəvan Dövlət Teatrının direktoru İftixar Piriyev, professor Qəzənfər Paşayev, “525-ci qəzet”in baş redaktoru Rəşad Məcid, yazıçının qələm dostları, oxucuları iştirak edib.

Mədəniyyət naziri Əbülfəs Qarayev Elçinin Azərbaycan ədəbiyyatında öz dəsti xəttini yaradan yazıçılardan olduğunu söyləyib.

Nazir Prezident İlham Əliyevin sərəncamı Elçin Əfəndiyevə verilən “Şöhrət” ordenini təqdib edib.