Dünya Gənc Türk Yazarlar Birliyi (DGTYB) qardaş Saxa (Yakutiya) Respublikası Yazıçılar Birliyinin başqanı, xalq şairi Natalya xanım Xarlampyevanın şeirlər kitabını hazırlayıb, nəşr edib.

Kult.az xəbər verir ki, şeirlər Azərbaycan və Saxa (Yakutiya) türkcələrində yanaşı verilib.

"Mənim rəfiqim aprel" adlanan kitab “Elm və təhsil” nəşriyyatında gün üzü görüb. Tərtibçisi və baş redaktoru Əkbər Qoşalı, redaktorları Rusiya Yazıçılar Birliyinin üzvləri Afaq Şıxlı ilə Anatoli Sleptsov olan kitab Saxa (Yakutiya) Dövlət Məclsinin üzvü, həmvətənimiz Əliş Zabit oğlu Məmmədovun dəstəyi ilə çıxıb.

Şeirləri rusca və ingiliscədən Oktay Hacımusalı, Afaq Şıxlı, Rəsmiyyə Sabir, İlahə Abdullayeva və Əkbər Qoşalı çevirib.

DGTYB Məsləhət Şurasının üzvü Oktay Hacımusalı kitaba “Natalya Xarlampyeva ilə türk ruhu gəzisi…” adlı maraqlı ön söz yazıb.