Azərbaycan Dillər Universitetində (ADU) görkəmli hind yazıçısı və publisisti Premçanda həsr edilmiş tədbir keçirilib.

Universitetin mətbuat xidmətindən Kult.az-a verilən məlumata görə, tədbir Hind Dili və Mədəniyyəti Mərkəzində “Sangat” hind klubunun təşkilatçılığı ilə baş tutub.

Hindistanlı professor Rupali Sinha Premçandın həyat və yaradıcılığı haqqında danışıb, onun rus yazıçısı Maksim Qorki ilə müqayisə edildiyini bildirib. Professor qeyd edib ki, Premçandı Hindistanda “Qələmin əsgəri” deyə yad edirlər.

Tədbirin sonunda Premçandın tanınmış əsərlərindən olan “İdqah” əsasında çəkilmiş film nümayiş edilib.