Qanun Nəşrlər Evində iki yeni kitab işıq üzü görüb. Hər iki kitab çox sevilən Mini Klassika seriyasına aiddir.

Dahi rus yazarının qələmindən...

Şeytan – Lev Tolstoy

Dahi yazar Lev Tolstoy “Şeytan” povestində – əksər əsərlərində olduğu kimi gördüyü, duyduğu, mənimsədiyi həyatı məsələləri ön plana çəkmişdir. Povestin mövzusunun real həyatdan götürülməsi onu daha da özünəməxsus ştrixlərlə zənginləşdirən cəhətlərdəndir. Əsərin qəhrəmanı Yevgeni müəllifin hisslərini oxucuya təqdim edən vasitədir. Əsər boyu müəllif bu obrazın gücü, köməyi ilə Şeytana qarşı mübarizə aparır.

Bəs şeytanla insanın amansız mübarizəsində sonda qalib gəlirmi?

Tərcümə: Rafiq Ağayev

Mən təlxək deyiləm, mən karlikəm, yalnız karlik...

Karlik – Per Lagerkvist

Tanınmış İsveç yazıçısı Per Lagerkvistin yaradıcılığında «Karlik» alleqorik romanı müstəsna yer tutur. Romanda italyan İntibahı dövründə cərəyan edən tarixi hadisələrdən bəhs olunur, bu hadisələrə cırtdanboy bir karlikin gözüylə qiymət verilir. Xislət etibarilə dünyadan narazı olan bu məxluq saray intriqalarının lap mərkəzində qərar tutur, öz ağasına sədaqətini sübuta yetirmək üçün qanlı cinayətlərə imza atır. Roman insan ikiüzlülüyünün, kin-küdurətin, səbəbsiz qəzəbin doğurduğu dəhşətli hadi­sələrdən bəhs edir. Dövrünün ədəbi tənqidi bu romanı yük­sək dinamikasına və gözəl yazı üslubuna, zəngin dilinə görə yüksək qiymətləndirirlər.

Tərcümə: İlqar Əlifoğlu