Fevralın 9-da tanınmış şair-publisist Əkbər Qoşalının “Ürək daşı” adlı yeni şeirlər kitabının təqdimat mərasimi keçiriləcək.

Kult.az xəbər verir ki, “Ürək daşı” Zirvə Tədris Mər­kəzinin yeni başlatdığı, gənc şair İntiqam Yaşarın layihə rəhbəri olduğu “Zirvə Kitab Yayınları”nın ilk nəşridir.

Kitabın redaktoru, AMEA Nizami adına Ədəbiyyat İnstitutunun şöbə müdiri prof.dr. Almaz Ülvi, önsöz yazarı Əli Kərim adına Poeziya Klubunun direktoru, şair İbrahim İlyaslı, rəssamı isə güneyli Atabəy Tikantəpəlidir.

1000 tirajla çıxan kitab “Sərbəstin meydanı”, “Aldı, görək, nə dedi..?”, “Səsləşmələr”, “Əsgərə, Turala, Ayxana”, “Uzun sözün qısası”, “İlk qələm örnəkləri” adlı 6 bölmədən ibarətdir.