Ana səhifə Kult Ədəbiyyat |
Millət vəkili Qənirə Paşayeva Tovuzda uşaqlar üçün Kitab Günü keçirib.
Kult.az xəbər verir ki, deputat gəncləri özəlliklə Azərbaycan tarixini və ədəbiyyatını daha çox mütaliəyə səsləyib.
Tovuz məktəblərinin kitabxanalarına Azərbaycan ədəbiyyatı, tarixi, Qarabağ həqiqətləri, türk xalqları və çoxlu müəllif kitabları hədiyyə etdiyini deyən millət vəkili uşaqları onlardan istifadə etməyə çağırıb.
Deputat məktəblilərin hər birinə Qarabağ və dünya ədəbiyyatı ilə yanaşı, özünün də müəllifi olduğu kitab və jurnalları hədiyyə edib.
Q.Paşayeva bildirib ki, Azərbaycanın daha da inkişaf etməsi üçün gənclərin savadlı və elmə meyilli olması əsas şərtdir.
Millət vəkili görüş zamanı təhsilində fərqlənən gənclərlə xüsusi müzakirələr apararaq onlara məsləhətlər verib:
“Bir millətin inkişafı və gələcəyi onun gənc nəsillərinin elmə, biliyə, ən əsası oxumağa olan istəyindən çox asılıdır. Ona görə də gənclər arasında kitab oxumağa meylin artması istiqamətində daha çox layihələr həyata keçirməliyik”.
Tarix
2019.02.07 / 15:45
|
Müəllif
Aygün Yusibova
|