Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
20 Avqust 2019


Təsəvvüf yazarı Bakıda kitablarını təqdim etdi - Foto

Ana səhifə Kult Ədəbiyyat
12 Punto 14 Punto 16 Punto 18 Punto

Azərbaycan İlahiyyat İnstitutunda (Aİİ) millət vəkili Qənirə Paşayevanın “Allah sevən qəlblərdədir” və onun rəhbərlik etdiyi Avrasiya Beynəlxalq Araşdırmalar İnstitutu İB-nin dəvətilə ölkəmizə səfər edən qardaş Türkiyənin tanınmış təsəvvüf araşdırmaçısı-yazar, Üsküdar Universitetinin rektor danışmanı Camalnur Sarqutun “Cani Candır” adlı kitablarının Ramazan ayı münasibətilə təqdimatı və imzalanma mərasimi olub.

Kult.az xəbər verir ki, tədbirdə çıxış edən Qənirə Paşayeva bu kitabların gənclərimizin sağlam ruhda, milli-mənəvi dəyərlərə bağlı yetişdirilməsinə öz töhfəsini verə biləcəyini qeyd edib.

Aİİ-nin rektoru Ceyhun Məmmədov bu cür tədbirlərin institutda keçirilməsinin əhəmiyyətini xüsusi vurğulayıb, mənəvi dəyərlərimizə sahiblənməyimiz üçün daha da çox çalışmaq lazım gəldiyini bildirib.

Camalnur Sarqut təsəvvüf elmi haqqında danışaraq bu elmin inkişafında bır sıra böyük Azərbaycan şəxsiyyətləri haqqında məlumat verib.

Sonra millət vəkili Q.Paşayeva və Türkiyənin təsəvvüf araşdırmaçısı C.Sarqut kitablarını oxucular üçün imzalayıb, müəllifi olduqları kitablarla bağlı sualları cavablandırıblar.

Tədbirdən sonra rektorla ayrıca görüş olub.

C.Sarqutu ölkəmizdə salamlayan Azərbaycan İlahiyyat İnstitutunun rektoru Ceyhun Məmmədov “Müasir dünyamızda mənəviyyat problemi və kamilliyə gedən yol” mövzusunda seminar verdikləri üçün ona və millət vəkili Qənirə Paşayevaya təşəkkürünü bildirib və belə görüşlərin və səfərlərin iki ölkə arasında elm, sənət, mədəniyyət əməkdaşlığını daha da gücləndirdiyini qeyd edib. C.Məmmədov Camalnur Sarqutun təsəvvüf və ümumən ilahiyyat sahəsində dəyərli əsərlər yazdığını, geniş oxucu auditoriyası qazandığını, həmin əsərlərin Azərbaycanda da maraqla qarşılandığını vurğulayıb.

Q.Paşayeva bu ilin cənab Prezident İlham Əliyev tərəfindən “Nəsimi ili” elan edilməsi barədə danışaraq, islam dininin gənc nəsillərimizə doğru öyrədilməsinə və təsəvvüfdə xüsusi yeri olan böyük şəxsiyyətlərimizin islam əxlaqı anlayışının həm öz nəsillərimizə, həm də dünyaya çatdırılmasına ehtiyac olduğunu deyib və bu istiqamətdə Aİİ ilə C.Saqrutun təmsil etdiyi Üsküdar Universitetinin Təsəvvüf Araşdırmaları İnstitutu arasında əməkdaşlığın faydalı olacağına inandığını vurğulayıb.

C.Sarqut da iki institut arasında əməkdaşlıqda maraqlı olduğunu vurğulayıb və bu istiqamətdə bir sira təkliflərlə çıxış edib. O bildirib ki, təsəvvüf elminin inkişafında Azərbaycanın bir çox böyük şəxsiyyətlərinin xüsusi yeri var və onların tanıdılması istiqamətində iki qardaş ölkə Azərbaycan və Türkiyə bir sıra ortaq layihələr həyata keçirə bilər.

C.Sarqut eyni zamanda N.Gəncəvi adına Ədəbiyyat İnstitutunda da görüş keçirib.

Tarix
2019.05.11 / 13:16
Müəllif
Kult.az
Şərhlər
loading...
Digər xəbərlər

Azərbaycanlı şairin kitabı İranda nəşr olundu

Anarın daha üç kitabı İranda nəşr olundu - Foto

Deputat və yazıçı sakinlərlə görüşdü – Foto

Səmədoğlunun büstü haqda “karton” yalanı – Foto

Nizaminin “Xosrov və Şirin”i Türkiyədə nəşr olundu

Sona Vəliyevaya “Qızıl qələm” verildi - Foto

14 qırğız yazar Bakıya gəlir

Azərbaycanlı aktyor və aktrisa tanınmaz halda – Video

Həmidə Ömərova yazdı: “Mən öləndən sonra...” – Foto

Heydər Əliyev və milli gəmiçilik siyasəti... - Yeni kitab

KULT
<>
Xəbər xətti
 
e-vetendash
  
  
  
  
  
  
  
  
  
Axar.az'da reklam Bağla
Reklam
Bize yazin Bağla