Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
21 Sentyabr 2019


Əməkdar jurnalistin xalq yazıçısına açıq məktubu

Ana səhifə Kult Ədəbiyyat
12 Punto 14 Punto 16 Punto 18 Punto

"Azərnəşr"in baş redaktoru, əməkdar jurnalist Əlövsət Ağalarov ADU-nun rektoru, akademik Kamal Abdullanı “xalq yazıçısı” fəxri adına layiq görülməsi münasibətilə təbrik edib.

Kult.az təbrikin mətnini təqdim edir:

“Hörmətli Kamal müəllim,

Bu günlərdə Azərbaycan Respublikasının Prezidenti cənab İlham Əliyevin sərəncamı ilə “xalq yazıçısı” fəxri adına layiq görülməyiniz xalqımız, ədəbi ictimaiyyətimiz və geniş oxucu kütləsi tərəfindən rəğbətlə qarşılandı. Bu münasibətlılə Sizi ürəkdən təbrik edir, cansağlığı və çoxsahəli fəaliyyətinizdə uğurlar arzulayıram!
Siz gəncliyimdən yaradıcılıq yolunu daim izlədiyim, çoxsahəli və çoxşaxəli fəaliyyətə malik barmaqla sayılan ədib və ziyalılarımızdan birisiniz. İstər bədii nəsriniz olsun, təşkilatçılıq etdiyiniz sahələr olsun, istərsə də qorqudşünaslıq, türkdilli xalqlarla bağlı araşdırmalarınız, romanlarınız, hekayələriniz və ya şeirləriniz, bir sözlə, bədii yaradıcılığınızın bütün sahələrində uğurlarınız nümunə olmuşdur.

Yaradıcılığınız ən çox gəncliyə xitab edir, bu baxımdan gənc yazarlara örnək olmusunuz. Siz eyni zamanda türk dünyasının ən böyük araşdırmaçılarından birisiniz və bu fəaliyyətinizi sovet rejiminin qılıncının kəsdiyi ən qatı dövründə göstərmisiniz. İndi ortaq türk dili yaratmaq təşəbbüsləri ortaya çıxanda ilk ağlıma gələn ziyalımız Siz olursunuz.

Sizin “Yarımçıq əlyazma”, “Sehrbazlar dərəsi”, “Unutmağa kimsə yox...” və başqa romanlarınız, “Qərar”, “İlişin qayıtmağı”, 2Son gəliş”, “Dəvə yağışı” kimi çox sevdiyim hekayələriniz olduqca orijinal üslübda yazılmış əsl ədəbi nümunələrdir. Əsərlərinizin bir çoxu müxtəlif dillərə çevrilərək əcnəbi oxuculara da çatdırılıb. Vaxtilə Sizin “Yarımçıq əlyazma” əsərinizə Türkiyədə zərgər dəqiqliyi ilə qiymət verilməsi yaradıcılığınızın Asiyadan Avropaya körpü sala bilməsinə səbəb oldu.

Mən dəfələrlə xarici ölkələrdə, beynəlxalq kitab sərgilərində olarkən Sizin müxtəlif dillərə tərcümə olunmuş kitablarınızı kitab mağazalarında və sərgilərdə görəndə qürur duymuşam. Bir neçə dəfə almaq istəmişəm, satıcıdan kitab istəyərkən: “Var idi, satılıb” deyə aldığım mənfi cavabdan fəxr etmişəm.

Siz həm də 95 yaşlı “Azərnəşr”in doğma müəlliflərindənsiniz. Müxtəlif dövrlərdə sizin kitablarınız nəşriyyatımız tərəfindən yüksək tərtibatda çap olunaraq geniş oxucu kütləsinə təqdim olunub. Bundan sonra da hələ uzun illər nəşriyyatımız Sizin əsərlərinizi oxucularımıza çatdırmağa hazırdır.

Əziz qardaşım, Sizi bir daha bu yüksək fəxri ada layiq görülməyiniz münasibətilə öz adımdan və “Azərnəşr”in kollektivi adından səmimi-qəlbdən təbrik edirəm, cansağlığı və hər bir fəaliyyətinizdə yorulmadan çalışmağı arzulayıram.

Böyük hörmətlə,

Əlövsət Ağalarov”

Tarix
2019.05.29 / 21:39
Müəllif
Kult.az
Şərhlər
Digər xəbərlər

Tanınmış nasirin kitabı təqdim olundu - Foto

İranda Əlif Şəfəqin kitabı qadağan edildi

"Tarixin daş yaddaşı: Göylər" təqdim olundu - Foto

Sumqayıtın 70 illiyi münasibətilə - Kitab yarmarkası

Berdiməhəmmədov kitab yazdı - Bu dəfə it barədə

Bəhram Bağırzadə ermənilərə od qoydu: Şuşa...

Siyahı açıqlandı: “46 bənövşə” və “Bədən dili” birinci oldu

Ramiz Mehdiyevin kitabı Moskvada nəşr olundu

“Sevgi nədir” sualını verəndə uduzduq – Video

Sartr və Kamyu ilə “oturub-duran” Hacıbəyli...

KULT
<>
Xəbər xətti
 
e-vetendash
Axar.az'da reklam Bağla
Reklam
Bize yazin Bağla