Ana səhifə Kult Ədəbiyyat |
12:12
Azərbaycanın keçmiş nəqliyyat naziri Ziya Məmmədov şeir yazması ilə bağlı yayılan idialara münasibət bildirib.
Kult.az xəbər verir ki, o, Unikal.org-a açıqlamasında bunun yalan olduğunu bildirib.
"Şeir yazmağımla bağlı yayılan məlumatlar həqiqəti əks etdirmir. Mən ümumiyyətlə bu zamana qədər heç vaxt şeir yazmamışam. Həmçinin Ziya Hafiz təxəllüsü götürdüyüm də yalandır", - o deyib.
Qeyd edək ki, bu gün Qaynarinfo.az saytı keçmiş nazirə aid olduğu iddia edilən şeirləri paylaşıb.
Sözügedən şeirləri təqdim edirik:
Nəsihət
Aldanma dünyada şərə, yalana.
Dadanma zibaya, zərə, talana.
Nadanın haqqını aqil olana
Zalımın haqqını qula ver, getsin.
***
Həyat dodağıma qonur ah kimi,
Bəzən nəğmə kimi, "Çahargah" kimi,
Nə fərqi qul kimi, ya da şah kimi -
Ömür də bir yoldu, yola ver, getsin.
***
Daraldı dostların sırası, sayı,
İndi dualardı qəlbimin payı,
Hafiz, nə edirsən qızıl sarayı
Aldanma bu keyfə, hala, ver, getsin.
***
Artıq payız fəslidir,
Yağış, külək, ayaz...
Könlüm dilə gəlir,
deyir yenə yaz...
Günəş yuxuludur, buludlar gümrah.
Darıxır budaqlarda mandarin, nar,
Qəlbimdə həsrətin kədəri var...
***
Əzizinəm dağdadı,
Arandadı, dağdadı.
Bülbül azıb meşədə,
Gülü isə bağdadı.
Əzizinəm, yar olsun,
Heyva olsun, nar olsun.
Dar gündə həyan olan
Köhnə dostlar var olsun.
***
Əzizinəm, qalasan,
Yaman günə qalasan.
Ötən günə gün çatmaz,
Günü-günə calasan.
Tarix
2019.10.01 / 15:08
|
Müəllif
Kult.az
|