Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
14 Oktyabr 2019


Deputatın Namanqanda kitabı təqdim edildi – Foto

Ana səhifə Kult Ədəbiyyat
12 Punto 14 Punto 16 Punto 18 Punto

Özbəkistanın Namanqan şəhərindəki Mədəniyyət Mərkəzində bu ölkənin Yazıçılar İttifaqının Namanqan şöbəsi, “Kitab dünyası” qəzeti və Özbəkistandakı Heydər Əliyev adına Azərbaycan Mədəniyyət Mərkəzi ilə birgə “Əbədi dostluq” adlı tədbir və millət vəkili Qənirə Paşayevanın Özbəkistanda çıxmış kitabının növbəti təqdimat mərasimi keçirilib.

Kult.az xəbər verir ki, tədbirdə şəhər ictimaiyyətinin nümayəndələri, elm, mədəniyyət xadimləri, burada fəaliyyət göstərən ali məktəblərin müəllim və tələbələri, jurnalistlər iştirak ediblər.

Tədbiri Namanqan vilayət hakiminin müavini Paxriddin Matkarimov açaraq dili, mədəniyyəti, adət və ənənələri, dini eyni olan Azərbaycan və özbək xalqlarının tarix boyu dostluğu və əməkdaşlığından danışıb, bu əlaqələrin müstəqillik dövründə strateji partnyorluq səviyyəsinə yüksəldiyini bildirib.

Natiq Özbəkistanın regionları ilə Azərbaycanın regionları arasında birbaşa əlaqələrin yaradılması, tarixi ənənələrin davam etdirilməsi, qarşılıqlı olaraq milli mədəniyyətimizin, ədəbiyyatımıza həsr olunmuş tədbirlərin təşkili və ölkələrimizin qarşı tərəfdə tanıdılmasının vacib məsələ olduğunu vurğulayıb və bu mənada millət vəkili, Avrasiya Beynəlxalq Araşdırmalar İnstitutu İB-nin sədri Qənirə Paşayevanın Namanqana səfəri, keçirdiyi görüşləri və müəllifi olduğu kitabın Özbəkistanın 2-ci ən böyük şəhəri olan Namanqanda təqdimatının keçirilməsini yüksək qiymətləndirib.

Özbəkistan Şərqşünaslıq Universitetinin dosenti, Yazıçılar İttifaqının tərcümə bölməsinin rəhbəri Adxambek Alimbekov Azərbaycanla ədəbi əlaqələrin daim prioritet olduğunu, şairlərimizin daim bir-birindən ilham aldığını və böyük əsərlər yaratdığını qeyd edib, müstəqillik dövründə də Azərbaycanla ədəbi əlaqələrin yüksələn xətlə inkişaf etdiyini söyləyib.

Qənirə Paşayeva tədbirdə Qarabağ həqiqətləri ilə bağlı geniş məruzə ilə çıxış edib.

O, Azərbaycan dövlətinin, ölkə başçısı İlham Əliyevin Özbəkistanla əlaqələrin inkişafına xüsusi önəm verdiyini, bu dostluğun, qardaşlığın əsas göstəricisi kimi xarici ölkələrdə ilk Azərbaycan Mədəniyyət Mərkəzinin məhz Özbəkistanda yaradıldığını qeyd edib.

Özbəkistanın “Kitab dünyası” qəzetinin baş redaktoru, şair Xasiyyət Rüstəm Azərbaycanla ədəbi əlaqələrin inkişaf etdirilməsi məqsədi ilə rəhbərlik etdiyi qəzetin hər sayında Azərbaycan ədəbiyyatına geniş yer ayırdığını və bununla da iki ölkə arasında dostluğa, ədəbi əlaqələrə töhfə verdiklərini bildirib. Naşir Qənirə Paşayevanın kitabının Özbəkistanda özbək türkcəsində çap etməkdən və bir çox vilayətlərdə təqdimat və görüşləri təşkil etməkdən məmnuniyyət duyduğunu deyib.

Azərbaycan Yazıçılar Birliyinin Aran bölməsinin rəhbəri Sərbaz Hüseynoğlu, Bakıdakı “Hədəf” liseyinin direktoru Şəmil Sadiq ədəbiyyat və mədəniyyət xadimlərinin, şair və yazıçılar arasında əməkdaşlığın genişləndirməsi, əməkdaşlığın inkişafına dair fikirlərini bölüşüblər.

Qeyd edək ki, tədbirdə Azərbaycan ədəbiyyatına dair, habelə Qənirə Paşayevanın özbək dilinə tərcümə olunmuş kitabının sərgisi nümayiş etdirilib, kitab təqdimatı keçirilib və Q.Paşayevanın sözlərinə özbək bəstəkarlarının bəstələdiyi mahnılar səsləndirilib.

Tarix
2019.10.02 / 14:46
Müəllif
Kult.az
Şərhlər
Digər xəbərlər

Elmi tədqiqat: İkinci dilin mənimsənilməsi... - Foto

İki ədəbiyyat abidəsi bir arada – Foto

Bir dərdli macəra imiş eşq... - Kamal Abdulla

Paşayeva Fərqanə vadisinin ən qədim şəhərində - Foto

“Festivallar festival”nın iştirakçıları ADU-ya gəldi – Foto

Ziya Məmmədov şeir yazır? - Açıqlama

Müğənnidən Orxan Pamuk haqda şok: Bunu səhv edir

Gənclər Bakı Kitab Sərgisindən video hazırladı

Bakıda anşlaq: yüzlərlə insan bura axışdı - Foto

Mehriban Əliyevaya həsr olunmuş kitab təqdim edildi - Foto

KULT
<>
Xəbər xətti
 
e-vetendash
Axar.az'da reklam Bağla
Reklam
Bize yazin Bağla