Ədəbiyyat üzrə sonuncu Nobel mükafatçısı Patrik Modianonun "Seçilmiş əsərləri" Azərbaycan dilinə tərcümə olunub.

Axar.az xəbər verir ki, Nazirlər Kabineti yanında Tərcümə Mərkəzinin növbəti nəşri görkəmli fransız yazıçısının əsərləri olub.

Tərcümə Mərkəzindən AzərTac-a bildirilib ki, P.Modiano Fransa ədəbiyyatının Nobel mükafatına layiq görülmüş 15-ci yazıçısıdır.

Fransız ədəbiyyatında retro stilin populyarlaşması məhz Modianonun adı ilə bağlanılır.

Modiano yaradıcılığının mövzusunu yaddaş və yaddaşsızlıq, şəxsiyyət və günah hissi, özünə yer tapa bilməyən, qərarsız insanların özünüdərk prosesi təşkil edir.

Qeyd edək ki, əsərləri dilimizə İlqar Əlfi, Mahir Qarayev və Etimad Başkeçid tərcümə edib.