İşdən çıxmağımla bağlı yayılan xəbərlər əsassızdır.

Bu sözləri Axar.az-a tənqidçi Əsəd Cahangir "Azərbaycan" jurnalının baş redaktor müavini vəzifəsindən kənarlaşdırılması haqda danışarkən deyib. Onun sözlərinə görə, yeni sayta rəhbərlik etməsi belə söz-söhbətə səbəb olub:

"Azyb.az saytını ictimai əsaslarla idarə etmək mənə həvalə olunub. Amma bu o demək deyil ki, əvvəlki işimdən çıxarılmalıyam. İntiqam Qasımzadə ilə də aramda heç bir münaqişə olmayıb. Hər şey qaydasındadır".

Qeyd edək ki, Ə.Cahangirin "Azərbaycan" jurnalının baş redaktor müavini vəzifəsindən kənarlaşdırılması ilə bağlı xəbərlər yayılmışdı.