Azərbaycan Yazıçılar Birliyinin Güney Azərbaycan şöbəsinin təşəbbüsü ilə Amerikada Azərbaycan müasir nəsr antologiyası nəşr olunacaq.

Axar.az xəbər verir ki, Avropa və Amerikada Azərbaycan nəsrini tanıtmaq məqsədilə Azərbaycan hekayə antologiyası hazırlanır. Bu barədə AYB-nin Güney Azərbaycan şöbəsinin müdiri, yazıçı Sayman Aruz məlumat verib. O bildirib ki, hekayələr ingilis dilinə tərcümə olunaraq Amerikada nəşr ediləcək.

Əsərlərinin Amerikada çap olunmasını istəyənlər AYB-nin Güney Azərbaycan şöbəsi ilə əlaqə saxlaya və hekayələrini, tərcümeyi-halını və fotosunu [email protected] ünvanına göndərə bilər.

Qeyd edək ki, əsər qəbulu oktyabr ayının sonuna qədər davam edəcək.