Belarus Prezidenti Aleksandr Lukaşenko yazıçı Svetlana Aleksieviçi Nobel mükafatına layiq görülməsi münasibəti ilə təbrik edib.

Axar.az "Novaya Qazeta"ya istinadən xəbər verir ki, prezidentin rəsmi saytında Lukaşenkonun xanım yazıçının yaradıcılığını yüksək qiymətləndirməsi və onun qələbəsinə sevinməsi haqda yazı yayımlanıb:

"Sizin yaradıcılığınız təkcə belorusların deyil, bütün dünya oxucularının rəğbətini qazanıb. Qələbənizə səmimi qəlbdən sevinir və sizi təbrik edirəm. Ümidvaram ki, mükafatınız dövlətimizə və belorus xalqına xidmət edəcək".

Qeyd edək ki, Svetlana Aleksieviç bir çox yazısında Belarus hakimiyyətini sərt şəkildə tənqid edib.