Dünya şöhrətli türk yazıçı Əlif Şəfəq Ankara terroru və ondan sonra baş verənlər haqqında məqalə yazıb.

Axar.az türk mətbuatına istinadən xəbər verir ki, yazıçı məqaləsində Ankaranın intellektualların, sənətkarların, tələbələrin yaşadığı bir yer olduğu üçün buranın hədəf seçildiyini bildirib.

Türkiyənin yeni sosial-siyasi bir dönəmə daxil olduğunu qeyd edən Əlif Şəfəq qeyri-sabit vəziyyətin bütün Yaxın Şərqdə tarazlığı pozduğunu yazıb. Yazıçı məqaləsində Türkiyə Prezidenti Rəcəb Tayyib Ərdoğanı da qınayıb:

"Normal şərtlərdə terror insanları ortaq dəyərlərlə birləşdirir, Rəcəb Tayyib Ərdoğan isə iyun seçkilərində AKP-nin təbliğatını aparır və avtoritar bir rejim qurmaq istəyir.

İyundan bəri təxminən 700 adam ölüb, ölkə iqtisadi cəhətdən zəifləyib, toplum psixologiyası isə bu siyasətdən zərər görüb. Məmləkətim üçün narahatam, çünki bərabər yas saxlaya bilməyən bir toplum birlikdə gələcək qura bilməz".