İranlı şairlər Əxtəsari və Musəviyə dini dəyərləri təhqirə görə 11.5 və 9 il həbs cəzası ilə yanaşı 99 şallaq cəzası verilib.

Axar.az xəbər verir ki, bu barədə məlumatı Beynəlxalq Yazarlar Birliyi PEN yayımlayıb.

PEN şairlərin ifadə azadlığının təmin edilməsi və dərhal sərbəst buraxılması üçün iranlı səlahiyyətlilər və İranın dini lideri Əli Xameneiyə göndərmək üçün məktub nəşr edib.

Məktubda iranlı şairlərin yazdıqları üzündən aldıqları cəzaların qınandığı, iranlı səlahiyyətlilərin verilən cəzaları ləğv etməsi və ifadə azadlığı boğularaq həbs edilən, nəzarətə götürülən bütün şair və yazarların sərbəst buraxılması istənilib. İrandan Beynəlxalq Cəmiyyət və Siyasi Haqlar müqaviləsinin 19-cu maddəsinə əsasən ifadə azadlığı haqqını tanıması tələb edilir.