Vasif Əlihüseyn diplomdan gündəmə gəlmək üçün imtina edib.

Bu sözləri Gənc Ədiblər Məktəbinin rəhbəri, "525-ci qəzet"in baş redaktoru Rəşad Məcid gənc yazar Vasif Əlihüseynin GƏM-in diplomundan imtina etməsi ilə bağlı Axar.az-a danışarkən deyib:

"Vasif gəldi, diplomunu aldı. Diplomu alandan sonra mənə öz kitabını hədiyyə etdi. Niyə belə etdiyini özü bilər. Diplom almır, almasın. Kimsə onu məcbur edə bilməz. O, Yazıçılar Birliyinin üzvüdür. Əslinə qalsa, Vasif özü diplom almağı arzulayırdı. O nə hərəkət idi etdi, bilmirəm. Sadəcə, gündəmə gəlmək üçün atılmış addımdır.

Noyabrda yeni Gənc Ədiblər Məktəbinin iclası keçiriləcək, yanvardan fəaliyyətə başlayacaq. Arzu edənlər növbəti məktəbdə iştirak edib, diplom əldə edə bilər".

Xatırladaq ki, bir neçə gün əvvəl gənc yazar Vasif Əlihüseyn Gənc Ədiblər Məktəbinin diplomundan imtina edib.