Bu gün Bakı Beynəlxalq Multikulturalizm Mərkəzində 4 kitabın təqdimat mərasimi keçirilib.

Axar.az xəbər verir ki, Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurası və Azərbaycan Yaradıcılıq Fondunun birgə həyata keçirdiyi "İstedadlı insanlara dəstək olmaqla onların ictimaiyyətə tanıdılması üçün yeni imkanların yaradılması" layihəsi çərçivəsində (iki şeir, iki nəsr) çap olunmuş dörd kitabın təqdimat mərasimi baş tutub.

Tədbirdə qələm adamları – Qismət, Sərraf Balaxan, Ömər Xəyyam, İkinci Mahmud, Alik, Şərif Ağayar, Qan Turalı, Seyfəddin Hüseynli və başqaları iştirak edib.

Qeyd edək ki, gənc nasirlər Ömər Xəyyam və İkinci Mahmud, gənc şairlər Fəridə Məmmədova və Alikin müəllifləri olduğu kitablar bu layihə çərçivəsində çapdan çıxmış ilk kitablarıdır.