Tatarıstanın nüfuzlu "İdel" dərgisində şair Faiq Balabəylinin şeirləri çap olunub.

Axar.az xəbər verir ki, jurnalın oktyabr sayında Kazan şəhərində keçirilən "Türkcənin 11-ci şeir şöləni" tədbiri haqda geniş yazı dərc olunub və tədbir iştirakçılarının yaradıcılığına yer ayrılıb.

Dərginin bu sayında Axar.az-ın əməkdaşı, şair Faiq Balabəylinin şeirləri özbək tərcüməçisi Şəhla Qasımovanın və tatar şairəsi, "İdel" dərgisinin redaktor müavini Alyona Kərimovanın tərcüməsində yayımlanıb.

Qeyd edək ki, oktyabrın 1-dən 5-nə qədər Tatarıstanın paytaxtı Kazan şəhərində keçirilən "Türkcənin 11-ci şeir şöləni" tədbirində iki şairimiz – Faiq Balabəyli və Əkbər Qoşalı Türk Yazarlar Birliyi tərəfindən mükafatlandırılıb.