Özbəkistanlı şair Şəhla Qasımovanın tərcüməsində "Duşa" ("Qəlb") adlı ədəbi almanax rus dilində nəşr olunub.

Axar.az xəbər verir ki, Azərbaycan şairlərinin bədii nümunələrinin də yer aldığı almanaxın tərtibatçısı şair Süleyman Hüseynov, redaktoru isə Suliko Daqarquliyadır.

Azərbaycan şairlər və yazıçılarından Maarif Soltan, İbrahim İlyaslı, Süleyman Hüseynov, Saday Şəkərli, Faiq Balabəyli, Tural Balabəyli, Adilə Nəzər, Aybəniz Əliyar, Saqif Qaratorpaq, Elman Tovuz, Məmməd Qədir, özbək yazarlardan Məhəmməd Əlinin, Siracəddin Seyidin, Ulubəy Həmdəmin, İqbal Mirzənin, Məhəmməd Yusifin, Abdulla Aripovun, Uyğun Ruziyevin, Səid Əhmədin əsərləri rus dilli oxucuların ixtiyarına verilib.