Yeni üzə çıxan şairlər bəzi səbəblərə görə dünyaya açıla bilmirlər.

Bu sözləri xalq şairi Fikrət Qoca gənc şairlərin xaricdə tanına bilməməsi haqda Axar.az-a danışarkən deyib. O, gənclərin düzgün təbliğat apara bilmədiyini bildirib:

"Yetərincə istedadlı gənc şairlər var. Amma çoxu xaricdə tanınmır. Bunun başlıca səbəbi düzgün təbliğatın olmamasıdır. Özlərinin yaxşı şeirləri qala-qala zəif şeirlərini göndərirlər xaricə. Daha sonra tərcümədə problemlər olur. Əgər bir şeir savadsız bir tərcüməçinin əlinə düşsə, deməli, həmin mətn bitdi. Amma mühüm olan istedaddır. Əgər bir şeir istedadla yazılmayıbsa, onu nə qədər təbliğ etsən də, faydası olmayacaq. Böyük istedadı olan adam heç vaxt batmır".