Dünən saat 18:00-da Caz Mərkəzində Günel Anarqızı ilə görüş təşkil olunub.

Axar.az xəbər verir ki, Mədəniyyət və Turizm Nazirliyinin dəstəyi ilə həyata keçirilən tədbirdə yazıçı Günel Anarqızının əsərləri qızı Sezen Məmmədli, əməkdar artist Mehriban Zəki, aparıcı Nərgiz Cəlilova və xalq artisti Fəxrəddin Manafov tərəfindən səsləndirilib.

Emil Əfrasiyab tədbiri öz əsərləri ilə müşayiət edib.

Qeyd edək ki, layihənin məqsədi Azərbaycan yazıçı və şairlərinin həm ölkə daxilində, həm də beynəlxalq ədəbi mühitdə tanıdılması, cəmiyyətdə ədəbiyyata, ədəbi ənənələrə, poetik axşamlara marağın və diqqətin artırılması, həmçinin, ədəbi inkişafın stimullaşdırılmasına yönəldilib. Layihənin rəhbəri Nigar Həsənzadədir.