Baycanı şəxsən tanımıram. Amma 2 il öncə haqqımda böyük məqalə yazmışdı. O, yazısında məni həm tənqid etmişdi, həm də barəmdə yüksək fikirdə idi.

Axar.az xəbər verir ki, bu sözləri tanınmış prodüser Tolik yazıçı Seymur Baycan haqda rəsmi İnstaqram səhifəsində yazıb. O, Seymura sponsorluq etmək istədiyini bildirib:

"Sənəti olan insanlar başqasının uğuruna sevinmir. Düşünür ki, 3 diplom sahibi, ali savadlı olmağına baxmayaraq, heç nəyi yoxdur. Amma dünən gəlib məşhur olan, heç bir universitet bitirməyən birinin maşını, evi, az da olsa, imkanı var. Amma bu, Allahın verdiyi ruzidir. İndi isə məqsədim var. Əgər Seymur bəy kitabının çap olunması üçün lazım olan məbləği açıqlasa, çalışacağam onu maliyyələşdirim. Çünki onsuz da indiki imkanlı daydaylar kitab, kino, teatra deyil, müğənnilərə pul xərcləyir. Dost-tanışı bilsin ki, filankəsi filankəs saxlayır".