Nə qədər etsələr də, mahnılarımdan qaça bilməyəcəklər.

Bu sözləri xalq şairi Fikrət Qoca onu tənqid edən gənclər haqda Axar.az-a danışarkən deyib. O, həmin insanlara görə əsəbiləşmədiyini bildirib:

"Gənclər, uşaqlar məni tənqid edirlər. Mənim 4 övladım var, necə onlara əsəbiləşə bilmirəm, eləcə də həmin gənclərə. Onlar hamısı mənim övladlarım kimidirlər. Bir də ki, məni bəyənməyə, məndən qaça bilərlər. Amma mənim əsərlərimdən, mənim mahnılarımdan qaça bilməzlər. Ha bəyənmə Fikrət Qocanı, sənin ki toyunda "Anacan, dostum evlənir" çalınacaq. Sevgi ağrısı çəkəndə "Gəl ey səhər"i dinləyəcəksən. Yəni düşünürəm ki, bu özü bir cavabdır onlara".