Nobel ödüllü məşhur türk yazıçı Orxan Pamuk daha bir beynəlxalq mükafata namizəd olub.

Axar.az xəbər verir ki, Pamukun "Başımda bir tuhaflıq" romanı Buker mükafatının namizədlər siyahısına daxil edilib. Roman 2014-cü ildə işıq üzü görüb və ingilis dilinə tərcümə edilərək İngiltərədə nəşr olunub.

Qeyd edək ki, Buker mükafatı daha əvvəl ancaq ingilislərə, İngilis Millətlər Birliyi və ya İrlandiya vətəndaşı olan yazarlara ingiliscə yazdığı romana görə verilirdi. 2014-cü ildən başlayaraq bu mükafat milliyyəti nəzərə alınmadan ingiliscə yazan və İngiltərədə kitabı çap olunan bütün yazarlara təqdim edilir.

Mükafatın dəyəri 50 min sterlinqdir. Bu məbləğ müəllif və kitabın tərcüməçisi arasında yarı bölünür.