Axar.az-ın "Qılınc və Qələm" layihəsində dünya siyasi liderlərinin yazdığı bədii mətnlər yayımlanır. İraq dövlət və siyasi xadimi Səddam Hüseynin ölümündən əvvəl yazdığı şeiri təqdim edirik:

Ruhunuzu azad buraxın,

Ruh əkizim, ruhumun sevdiyi.

Sizin könlünüz mənə yuva oldu

Kaş ki, mən o yuva olaydım, siz də su.

Xəfif külək kimi ruhumu dağıdırsınız

Çiçəklərə qol-budaq olur

bizim Baas partiyamız

Beləcə bəyaz bir gül sizi sağaldır.

Düşmənlər günahkar olduğu halda

planlar hazırlayıb, tələ qurur

O plan ki, mənasız və bomboşdur

Bir gün heç nəyin yeyilmədiyi üzə çıxacaq

Pasın su borularını gəmirdiyi,

Günahların günahkarı bitirdiyi kimi...

Biz əsla zəif olmadıq

Daim dik durduq saf əxlaqımızla

Məğrur duruşumuz yoldaş oldu ruhumuza

Yadlar düşmən gətirib dənizimizə

Onlara qul olanların sonu faciə ilə bitəcək

Budur, qucağımızı qurdlara açırıq

Canavarlara qorxmadan meydan oxuyuruq

Səni çətin vəziyyətdə qoymadıq, xalqım,

Bütün fəlakətlərə rəğmən,

lider yenə mənim partiyam.

Ruhumu ölkəm üçün fəda edirəm

Bilin, qan çox ucuzdur çətin günlərdə

Biz hücumda nə diz çökər,

nə də baş əyərik.