Nazim Hikmətin öz dilindən səsləndirdiyi bir neçə şeir, o cümlədən Rəsul Rza və Azərbaycan dili haqqında fikirləri Yutub sosial şəbəkəsində paylaşılıb.

Axar.az xəbər verir ki, videoda Nazim Hikmət "Məmləkətim" və "Azərbaycan" jurnalından "Ceviz ağacı" adlı şeirlər oxuyur və Rəsul Rzanı bəyəndiyini bildirir:

"Oxuyacağım şeirlər "Azərbaycan" jurnalının 9-cu sayında çıxıb. Alın bu jurnalı, oxuyun. İçində çox gözəl şeirlər var. Buradakı şeirləri gözəlləşdirən, tərcümə edən bizim Rəsul Rzadır. Fövqəladə tərcümə edib. Çox da sevdiyim bir şairdir. Azərbaycan dili də məlumdur ki, dünyanın ən gözəl dillərindən biridir. Ən pis şeir də sizin dildə çox gözəl olur".