Tatarıstanın paytaxtı Kazan şəhərində tatar şair Abdulla Tukayın 130 illik yubiley tədbiri çərçivəsində gənc tatar şairlərinin şeirlərindən ibarət "Yeni tatar şeiri antologiyası"nın təqdimatı keçirilib.

Bu barədə Axar.az-a DGTYB-nin Məsləhət Şurasının başqanı, şair Əkbər Qoşalı məlumat verib. O, tərcüməçilərin fəxri fərmanla mükafatlandırıldıqlarını bildirib:

"Antologiyadakı şeirlərin bütün çevirmənləri Tatarıstanın İDEL Dövlət Gənclər Mərkəzi tərəfindən fəxri fərmanla təltif olunub. Fəxri fərmanı Gənclər Mərkəzinin direktoru Leysan Safina imzalayıb".

Qeyd edək ki, Fəxri fərman alanlar sırasında Axar.az-ın əməkdaşı, şair Faiq Balabəyli də var.