Rusiyada qiyabi axtarışa verilən qalmaqallı sabiq senator və VTB bankının keçmiş vitse-prezidenti Aleksandr Ter-Avanesovun Andrey Kostinin “çirkli pulların” yuyulmasında iştirak etdiyi bildirilir.

Axar.az lent.az-a istinadla xəbər verir ki, Kostroma vilayətindən sabiq senator Aleksandr Ter-Avanesov federal axtarışa verilib.

Keçmiş senatora Rusiya Cinayət Məcəlləsinin 159-cu maddəsinin 4-cü hissəsi (mütəşəkkil dəstə tərəfindən və ya xüsusilə külli miqdarda törədilmiş dələduzluq; on ilədək azadlıqdan məhrumetmə cəzası nəzərdə tutulur) üzrə qiyabi ittiham irəli sürülüb.

Ter-Avanesov keçmiş Qondarma “Donetsk Respublikası”nın tikinti nazirinin müavini Yuliya Mervayezova ilə bağlı cinayət işinin fiqurantıdır. Həmin iş Müdafiə Nazirliyinə qarşı dövlət sifarişləri çərçivəsində hərbi obyektlərin tikintisi zamanı ümumi məbləği 4 milyard rubldan çox olan mənimsəmələrlə əlaqəlidir. İş üzrə dəymiş zərər 9 milyard rubldan artıqdır. Mervayezova bu iş üzrə rəhbəri Vadim Vıqyulyarnı ilə birlikdə məsuliyyətə cəlb olunur. O, bu yay xüsusilə külli miqdarda dələduzluq ittihamı ilə həbs edilib.

Aleksandr Ter-Avanesov Bakı ermənisidir.