Yuxarı

TDT müdafiə sənayesi rəhbərləri Bakıda görüşdülər

Ana səhifə Siyasət
12 Punto 14 Punto 16 Punto 18 Punto
TDT müdafiə sənayesi rəhbərləri Bakıda görüşdülər

“ADEX-2026” 6-cı Azərbaycan Beynəlxalq Müdafiə Sərgisi çərçivəsində oktyabrın 1-də Türk Dövlətləri Təşkilatına (TDT) üzv dövlətlərin müdafiə sənayesi qurumlarının rəhbərlərinin ikinci iclası keçirilib.

Axar.az xəbər verir ki, iclasda Azərbaycan Respublikasının müdafiə sənayesi naziri Vüqar Mustafayev, TDT-nin Baş katibi Kubanıçbek Ömüralıyev və üzv dövlətlərin müdafiə sənayesi qurumlarının rəhbərləri iştirak ediblər.

Nazir Vüqar Mustafayev tədbir iştirakçılarını Azərbaycanda görməkdən məmnunluğunu bildirib. Qeyd edib ki, iclasın “ADEX-2026” 6-cı Azərbaycan Beynəlxalq Müdafiə Sərgisi ilə eyni vaxtda keçirilməsi xüsusi əhəmiyyət daşıyır. Bunun yalnız müzakirələrin aparılması üçün deyil, eyni zamanda ölkələrin real sənaye imkanlarını, texnologiyalarını və potensial tərəfdaşlarını bir məkanda görmək baxımından mühüm imkan yaratdığını vurğulayıb.

Vüqar Mustafayev türk dövlətləri arasında münasibətlərin hazırda yüksək səviyyəli dialoq, qarşılıqlı etimad və ortaq maraqlar əsasında inkişaf etdiyini, müdafiə sənayesi sahəsində əməkdaşlığın isə bu münasibətlərin getdikcə daha praktik və strateji istiqamətlərindən birinə çevrildiyini diqqətə çatdırıb.

İclasda kadr və mühəndislik potensialı, institusional əməkdaşlıq, birgə istehsal və sənaye kooperasiyası, tədqiqat və inkişaf, eləcə də yeni texnologiyalar istiqamətində müzakirələr aparılıb. Tədbirdə təşkilatın Baş katibi və üzv dövlətlərin müdafiə sənayesi qurumlarının rəhbərləri çıxış ediblər.

Sonda TDT-yə üzv dövlətlər arasında müdafiə sənayesi sahəsində əməkdaşlıq üzrə Yol Xəritəsi qəbul edilib.

Qeyd edək ki, TDT-yə üzv dövlətlərin müdafiə sənayesi qurumlarının rəhbərlərinin birinci iclası ötən il Türkiyənin İstanbul şəhərində “IDEF 2025” sərgisi çərçivəsində keçirilib.

Tarix
2026.10.01 / 23:22
Müəllif
Axar.az
Digər xəbərlər

Vüsal Nəsirli zənglərimə cavab vermir - Deputat

BDU-nun işdən çıxarılan prorektoru kimdir?

Prezidentin hesablarında Vyetnam səfəri ilə bağlı - Videoçarx

Əli Əsədov Kobaxidzeyə başsağlığı verdi

Bakı dünya güclərini üstələyə bilər – Belyayev

Asiya ölkələri ilə əlaqələrimiz yüksələn xətlə inkişaf edir

İlham Əliyev Çan Tan Man ilə görüşdü - Foto

Vyetnama nə satıb, nələr almışıq?

İlham Əliyev Le Minh Hunq ilə görüşdü

Bu ölkənin Azərbaycanda səfirliyi açılacaq

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla