Son bir il ərzində AZAL-a məxsus təyyarənin vurulmasından sonra Rusiya ilə münasibətlərdə ümumi gərginlik yaşanıb. Buna baxmayaraq, ölkələrimiz arasında dialoq və qarşılıqlı təmas davam edib.

Axar.az xəbər verir ki, bunu Azərbaycan xarici işlər naziri Ceyhun Bayramov ilin yekununa dair mətbuat konfransında deyib.

“9 oktyabr tarixində Düşənbədə iki prezident arasında keçirilmiş görüş, Rusiya tərəfindən verilmiş açıqlamalar, təyyarənin məhz Rusiya Silahlı Qüvvələri tərəfindən vurulmasının etiraf olunması və üzrxahlıq edilməsi münasibətlərin normallaşmasında əhəmiyyətli faktor olmuşdur”, - nazir bildirib.